AUAWA KWA RISASI CALIFORNIA #Duniayako

Mwanaume mmoja mwenye silaha amefyatua risasi katika Sinagogi moja mjini California jana Jumamosi,na kumuua mwanamke mmoja na kujeruhi watu wengine watatu, Polisi wamesema.



Kufuatia shambulio hilo, kijana wa miaka 19 aliyejulikana kwa jina la John Earnest alikamatwa baada ya shambulio hilo huko katika maeneo ya Poway, kaskazini mwa mji wa San Diego.

Shambulio hilo lilitokea wakati waumini wa Sinagogi hilo walipokuwa wakisheherekea siku ya Pasaka, taarifa zaidi zilidai.

Polisi hawajasema kilichochochea shambulio hilo lakini Rais wa Marekani, Donald Trump kupitia ukurasa wake wa Twitter amesema, shambulio hilo linaonesha ni la "uhalifu wa chuki binafsi".