Mshambulizi matata katika mchezo wa soka, Zlatan Ibrahimovic amejiunga na klabu ya AC Milan

Mshambulizi matata katika mchezo wa soka, Zlatan Ibrahimovic amejiunga na klabu ya AC Milan inayocheza katika ligi ya Seria A nchini Italia kwa mara ya pili, klabu hiyo ilitangaza siku ya Ijumaa iliyopita.



Ibrahimovic, mwenye umri wa miaka 38, aliihama klabu ya Los Angeles Galaxy kutoka Marekani na kujiunga kwake na AC Milan imewatuliza mashibiki wa mchezo wa soka kwani aliwahi husishwa na kujiunga na timu kama Napoli ya Italia na Tottenham Hotspur ya Uingereza.

Mshambulizi huyo ametia sahihi kandarasi ya miezi 6. AC Milan wako katika nafasi ya 11 na alama 21 kwenye jedwali hilo la Seria A.