Mvua yaua watatu Mara, daraja lasombwa na maj

Watu watatu  wakiwamo watoto wawili wa familia moja wamekufa baada ya kuangukiwa na ukuta wa nyumba  wakiwa wamelala usiku huku mmoja akifa maji baada ya  kusombwa na maji wakati akitoka kusherekea sikukuu ya krismasi kufatia mvua zinazoendelea kunyesha wilaya ya Serengeti mkoani Mara.

Tukio hilo limetokea jana saa mbili usiku wakati mvua ikinyesha  katika Kijiji cha Nyabirikira kata ya Isenye wilaya ya Serengeti mkoani hapa  ambapo watoto hao walikuwa wamelala  usingizi mzito ndipo maji yakatoba ukuta wa nyumba  yakajaa ndani kisha ukuta wa nyumba hiyo ukawaangukia na kusababisha vifo vyao na  mmoja kujeruhiwa huku Joshua Juma mkazi wa kijiji hicho  akisombwa na maji wakati akijaribu kuvuka maji yaliyokuwa yamejaa barabarani kutokana na mvua zilizokuwa zikinyesha usiku huo  akiwa  na wenzake wawili wakitoka kusherekea sikukuu ya Krismas.
Wakati hayo yakitokea ITV ikiwa kijijini hapo ikashuhudia daraja la Isenye likikatika na kusababisha abiria kukwama kwa saa kadhaa  na wananchi  wanaotembea kwa mguu wakishindwa  kuvuka huku barababara za kijiji hicho zikijaa maji na kusababisha adha kwa wananchi.
Hata hivyo mkuu wa wilaya ambaye pia amefika kijijini hapo  na kutoa msaada wa chakula kwa familia zilizopoteza wapendwa wao akitoa tahadhari kwa wananchi kutokatiza ovyo kwenye maeneo yaliyojaa maji.