Serikali yatoa fursa kubadilisha tahasusi kwa kidato cha nne 2020

 

 

SERIKALI imewapa  fursa wahitimu  wa kidato cha  nne mwaka 2020 kufanya mabadiliko ya machaguo  ya tahasusi (Combination) na kozi mbalimbali  walizozichagua  kupitia fomu  ya Selform kuanzia Marchi,29 hadi aprili 1, 2021

Akiongea na Waadinshi wa Habari leo, Jijini Dodoma Waziri wa Nchi Ofisi ya Rais Tawala za Mikoa na Serikali za Mitaa Mhe. Selemani Jafo amesema kuwa  lengo la kufanya mabadiliko ya tahasusi  ni kuwawezesha wanafunzi  kubadilisha  machaguo yao kulingana  na ufaulu  wao kwenye matokeo  ya mtihani wa Kidato cha nne.

Waziri Jafo anafafanua kuwa serikali imetoa fursa kwa wahitimu kubadili machaguo yao ili kuwawezesha wanafunzi kusoma fani au tahasusi itakayowandaa kuwa na utaalam katika maisha yao

“ Baadhi ya wanafunzi hawakujaza  kwa uhakika tahasusi au kozi  kutokana na kutokuwa na uhakika  wa ufaulu katika masomo waliyachagua , hivyo kwa sasa wanafahamu masomo waliyofaulu vizuri na wanaweza kuchagua tahasusi  au fani za kusomea” amesisistiza Waziri Jafo.

Hata hivyo Waziri Jafo amesema kutokana na mabadiliko ya  sayansi na Teknolojia  kumekuwa na uhitaji wa wataalam wa fani mbalimbali  viyo Serikali  imeanzisha  tahasusi mpya tano kwa ajili ya wanafunzi wanaoingia kidato cha tano mwaka huu ili kuondoa changamoto ya ukosefu wa wataalam nchini.

Amezitaja tahasusi hizo kuwa ni  Physics,Mathematics na Computer Studies (PMC),Kiswahili, French,Chinese (KFC),Kiswahili,English ,Chinese (KEC),Physical education,biology ,Fine art (PBF) na Physical education, geography ,economics (PGE).

Waziri Jafo amesema tahasusi ya PMC itatolewa katika Shule ya Sekondari ya wasichana ya Dodoma na Shule ya Sekondari ya wavulana ya Iyunga  KFC na KEC itatolewa katika Shule ya Sekondari ya wasichana Morogoro na ya wavulana Usagara na tahasusi ya PBF na PGE  itatolewa Shule ya Sekondari ya wasichana ya Makambako, Shule ya Sekondari ya wavulana Kibiti na Sekondari ya Mpwapwa ambayo ni ya mchanganyiko.

"Nchi yetu ilikosa kuwa na wataalam wa Michezo kutokana na kutokuwepo na tahasusi maalum,hivyo hili ni jambo jipya ambalo mwanzo halikuwepo," amesisitiza Waziri Jafo